Edhe pse Gjermania është kthyer në ëndrrën amerikane të shqiptarëve, duket se po aq shumë vendi ynë u pëlqen gjermanëve. Adelbert Ringwald zyrtar dhe biznesmen gjerman prej dy vite e gjysmë jeton në Shqipëri. Gjermani që vuante nga një formë e rëndë e artritit dhe astmës dhe gjeti kurim vetëm në ujërat termale të Elbasanit. Kam gati tre vite që jetoj në Shqipëri dhe erdha këtu për shkak të problemeve shëndetësore. Unë vuaj nga artriti dhe kam pasur dhimje të mëdha. E kisha shumë të vështirë lëvizjen. Që në seancat e para këtu u lehtësova dhe dhimbja u zhduk . Kam provuar të kurohem në disa ujëra termale në vende të ndryshme, por në asnjë rast nuk kam pasur efekt më të mirë kurues dhe më të shpejtë se sa në Shqipëri. Por unë gjithashtu kam probleme të astmës dhe klima këtu, pa shumë lagështirë është mjaft e favorshme për mua, për të mos folur për bimët mjëkësore, me të cilat unë përgatis çajra të mrekullueshëm. Nuk do më besoni, por edhe birra është e mirë këtu.