Konsorciumi “Mabco Construction” ka fituar garën për ndërtimin e Aeorporit të Vlorës me një vlerë investimi prej 104 milionë euro. Bëhet fjalë për bashkimin e dy kompanive të regjistruara në Zvicër, ku njëra prej tyre është në pronësi të politikanit Behgjet Pacolli dhe kompania tjetër turke YDA që po ndërton spitalin e Fierit. Sipas ministres së Infrastrukturës Belinda Balluku, kontrata do të lidhet brenda 30 ditëve për t’i hapur dritën jeshile nisjes së punimeve. “Alte Corporation në Londër, nuk ka përmbuyshur asnjë nga kriteret teknike sepse nuk ka pasur eksperiencën e duhur. Ndërsa konsorciumi i dytë që është edhe kompania fituese është Mabco Construction i regjistruar në Zvicë. Vlera e investimit që ka ofruar ky konsorcium është 103.9 milionë euro dhe ka një eksperiencë të madhe me 6 aeroporte të ndërtuara në gjithë botën.” Për kryeministrin Edi Rama ndërtimi i kësaj vepre do të sjellë një impakt të madh në ekonomi dhe në punësim dhe mbi të gjitha do të ulë ndjeshëm çmimet e biletave për udhëtarët. “Shumëzoni 104 mln euro x 23 dhe ai do jetë impakti i shtrirë në dekadë që ky aeroport do sjellë në ekonominë e Vlorës dhe Shqipërisë. Mijëra mundësi për punësimi. Do ta ndjejmë praninë e kompanive shqiptare te biletat , tarifat dhe çmime që janë në Europë. Është një kompani shqiptare dhe ne kemi mundësinë ta vëmë përpara përgjegjësisë së madhe dhe të jemi të çliruar nga çdo pengesë e natyrës së këtyre marrdhënieve me kompanitë e huaja.”