Emisioni Fiks Fare ka sjell mbrëmjen e sotme një masakër mjedisore në fshatin Kryevidh të Rrogozhinës. Ku firma Bibaj bëntë gërryerje masive të një kodre, të cilat sipas një qytetareje po bëhen për qëllime biznesi. Anila Guga ka denoncuar publikisht në emisionin Fiks Fare se, ndërsa po bëhen gërmime, një nga djemtë e pronarit të firmës i ka thënë se do të ndërtojë një gurore dhe do të vazhdojë me gërmime pa asnjë miratim ligjor. Anila Guga ka bërë disa herë ankesa pranë autoriteteve për ndalimin e punimeve, por deri tani, asnjë masë efektive nuk është marrë. Drejtori i Inspektoriatit të Mbrojtjes së Territorit (IMT) në Rrogozhinë, Gëzim Sina, ka konfirmuar se janë identifikuar gërmime pa leje, por ka pohuar se kjo ka ndodhur edhe pasi është vendosur një gjobë ndaj firmës. Sipas tij, procedurat ligjore do të vazhdojnë, duke përfshirë kërkesat për veprim nga institucione të tjera, si Ministria e Mjedisit.