Emisioni Fiks Fare solli rastin e një 3 vjeçari me autizëm nga qyteti i Shkodrës i cili është dëmtuar në kokë në kopsht, nuk është ndihmuar nga edukatorja dhe që policia nuk ka kryer asnjë veprim. Gjyshja e 3 vjeçarit tregon për emisionin Fiks Fare se në datën 9 shkurt nipi i saj është dëmtuar në kopshtin “Dëshmorët e Prishtinës”, por ngjarja nuk është zbardhur. “Fëmija ishte goditur në kokë, unë s’mund të them që fëmijën e kanë dhunuar, por edukatorja nuk është kujdesur, ne e çuam fëmijën në spital dhe ju bë skaneri, u thirrë dhe policia, por më vonë nuk u bë më asgjë“ thotë gjyshja e 3 vjeçarit. Fiksi trasmetoi momentin kur është goditur fëmija në kopsht nga një tabelë metalike dhe edukatorja s’ka bërë asgjë. Gjyshja thotë se për fëmijën është kujdesur një mësuese ndihmëse, Anila Balasi që atë ditë nuk ka qenë prezente në kopsht. Në një takim me gazetarët kjo e fundit tregoi se edukatorja i godiste fëmijët dhe madje fëmijën me autizëm e diferenconte . “ Ajo i gjuante fëmijët me shpulla në kokë, po ashtu fëmijën me autizëm e diferenconte” thotë Anila . Ish edukatorja, Radoina Marku , pretendon se e gjitha kjo situatë është stërholluar dhe ekzagjeruar nga drejtoresha e kopshtit me të cilën ka patur inate të vjetra.