“Mua më shqetësojnë dramat e shoqërisë. Asnjëherë s’kam menduar t’i botoj”, thotë Petro Marko. Kronikë ekskluzive në Top Channel për jetën e të madhit Petro Marko. Prof. Bashkim Kucuku (studiues i letërsisë): Petro Marko kishte një formim perëndimor dhe jo Stalinist, ose thjesht komunist. Behar Gjoka (studiues i letërsisë): Petro shumëçka, druaj se është rasti unik i historisë shqiptare dhe historisë së letrave shqipe kur revolucioni ha bijtë e vet. Aleksandër Cipa (gazetar): Petroja ishte njeri që u lidh jashtëzakonisht me vendlindjen e tij duke qëndruar jashtë vendlindjes. Zija Cela (studiues letersie): Është krejt e mundshme që të krijohet një tipologji e shkrimtarëve mbi bazën e ngjashmërive të tyre, … Dukej i pangjashëm dhe i paklasifikueshëm sepse ardhja e tij në letërsi kishte një shenjë. “Nga njëra anë i rrethuar prej admirimit, nga tjetra i përndjekur nga zilia; nga njëra anë duke ngjallur entuziazëm nga tjetra duke ngjallur urrejtje.. Po kush e urrente Petro Markon? Një njeri nuk është i stofës së zakonshme kur rrethohet njëherësh edhe me admirim, edhe me zili; kur shkakton njëherësh edhe entuziazëm, edhe urrejtje.”