Një person është arrestuar, ndërsa një tjetër është shpallur në kërkim pasi kishin krijuar një laborator për kultivimin e kanabisit në fshatin Fushë Gjormë të Kurbinit. I arrestuari është Vranicki Hisku, ndërsa policia është vënë në kërkim të Etmond Stojanit. Kurbin Goditet një tjetër rast i tentativës për kultivim të bimëve narkotike. Finalizohet me sukses nga Komisariati i Policisë Kurbin, operacioni policor antikanabis i koduar “Gjormë 2021”. Policia zbulon brenda një magazine, një ambient të përshtatur si laborator që shërbente për kultivimin e bimëve narkotike, nëpërmjet ngrohjes me llamba. Sekuestrohen një armë zjarri pushkë me dylbi të montuar dhe pajisje të ndryshme elektrike që shërbenin për kultivimin e bimëve narkotike. Vihet në pranga 1 shtetas, shpallet në kërkim 1 tjetër. Nga shërbimet e Komisariatit të Policisë Kurbin, në vijim të kontrolleve të pandërprera dhe punës për parandalimin e kultivimit të bimëve narkotike, pas informacioneve të siguruara në rrugë policore, u bë i mundur finalizimi me sukses i operacionit antikanabis të koduar “Gjormë 2021”.