Një 32 vjeçar ka mbetur i vrarë pasditen e së dielës në qytetin e Durrësit. Ngjarja ka ndodhur rreth orës 15 30 në lagjen nr.16 në Durrës, ku Jetmir Begu është qëlluar me armë zjarri dukle mbetur i plagosur rëndë në këmbë. Ai është transportuar në gjendje të rëndë në spitalin rajonal të durrësit, ku ka ndërruar jetë për shkak të plagëve të marra. Dëshmitarët në vendin e ngjarjes kanë pohuar se ndaj viktikës u qëllua disa herë me armë dhe dyshohet se autorët kanë përdorur kallashnikov. Autorët janë larguar me shpejtësi nga vendi i ngjarjes duke përfituar edhe nga shiu intensiv që binte dhe nga zona periferike ku ndodheshin. Ndërkaq policia ka ngritur postoblloqe në të gjithë zonën dhe po bën krehjen e saj për identifikimin dhe kapjen e autorëve. Por nuk ka asnjë të dhënë rreth autorëve të dyshuar dhe motiveve të krimit. gGupi hetimor pas veprimeve të kryera në vendin e ngjarjes ka shoqëruar disa dëshmitarë okularë të cilët janë marrë në pyetje. Policia nuk ka dhënë asnjë detaj mbi të shkuarën e viktimës 32 vjecarit Jetmir Begu. I vetmi detaj që u bë i ditur lidhet me emrin e tij, që dikur e ka pasur Ilirjan Kuçi dhë më pas e ka ndërruar.