Një seri ngjarjesh pasuan arrestimin e kryebashkiakut Erion Veliaj në 10 shkurt të këtij viti, kohë kur me gjithë rezervat e tij për drejtësinë Edi Rama pranoi se do të marrë ai drejtimin e punëve në bashki. Por në 18 mars nga qelia e paraburgimit në Durrës, Erion Veliaj vendosi të shkarkojë të besuarën e Ramës në Bashki, Anuela Ristani dhe të emëroi në vend të saj Sara Goxhaj. Këtë vendimarrje ja komunikoi Alban Dokushit sekretarit të Përgjithshëm të Bashkisë ta vendoste në zbatim. Kjo lëvizje e pakordinuar e Veliajt çoi me urgjencë Ramën në bashki, duke kërkuar menjëherë anulimin e vendmarrjes së Veliajt dhe vendosi vijën e kuqe në Bashki për dy funksionarët e afërt të Veliajt, Alban Dokushin dhe Sara Goxhaj. Pak orë pas kësaj Veliaj u tërhoq nga vendimi dhe foli për një keqkuptim...duke folur për një lidhje të fortë me Edi Ramën.