Një 30-vjeçar u mor peng nga 3 persona ditën e djeshme në Durrës, për një borxh prej 6 mijë paund që i kishte njërit prej autorëve. I riu Blerim Hanku, banues në Paskuqan, u fut me forcë në një makinë tip “BMË X5” nga shtetasit Iljaz Kotorja, Geri Cani dhe Jurgen Delia. Rrëmbimi u orkestrua nga Iljaz Kotorja, 27 vjeç, banues në Paskuqan, të cilit ia kishte edhe borxhin. Hanku, i cili u mor peng, kishte ndërhyrë për njohjen e Kotorjas me një tjetër person me qëllim trafikimin e lëndëve narkotike, dhe sipas burimeve të policisë kishte dalë garant për punën e trafikut të drogës. Pengmarrja ndodhi pasi pazaret e drogës nuk shkuan sipas parashikimeve dhe personi i tretë i përfshirë në ngjarje nuk I kishte dhënë paratë Iljaz Kotorjas. Më pas, Iljaz Kotorja kishte nisur t'i bënte presion Blerim Hankut për t'iu dhënë paratë, pasi nuk po gjente dot personin real që ia kishte borxh. Gazetar: Kristo Kote