Vendi i pestë i Gjykatës Kushtetuese do të vazhdojë bosh, derisa një tjetër gjykatë të flasë ndaj ankesave kundër KED të katër të skualifikuarve nga gara, Sinan Tafaj , Eugen Papandile, Zhaklina Peto dhe Shaqir Hasanaj. Por seancat ndaj dy të parëve që këmbëngulin se KED ishte e parregullt në vendimin për të lejuar kandidimin e vetëm Sonila Ibrahimit dhe të Altin Binajt, u shtynë për shkaqe proceduriale. Por ndërsa skualifikoi kandidatet e tjerë qe pretendojnë se janë penalizuar padrejtësisht, Këshilli i emërimeve në Drejtësi është zhytur në paligjshmëri dhe shkelje të Kushtetutës në procesin e vlerësimit të kandidatëve për anëtarë të gjykatës kushtetuese ne rastin e paraqitjes se emrit te Sonilja Ibrahimi Bejtja. Shkelja më flagrante është se këshilli i emërimeve në drejtësi zgjedh si kandidate një notere kur Kushtetuta e përjashton këtë profesion. Këshilli i emërimeve në drejtësi merr përsipër rolin e gjykatës kushtetuese që të interpretojë Kushtetutën dhe ta shpjegojë shkeljen e saj me nevojën urgjente për ndërtimin e gjykatës Kushtetuese.