Covid-19 ka marë jetën e 8 punonjësve të medias. Qindra të tjerë janë sëmurur pas kontakteve të shtuara me të infektuarit për shkak të detyrës. Disa humbën edhe familjarët e tyre. Gazetarët, redaktorët, kameramanet teknikët e mediave që ditën e parë e shpërthimit të pandemisë deri më tani ashtu njësoj si mjekët, mësuesit dhe policia punën nuk e kanë ndërprerë për asnjë ditë. Një ditë më parë gazetari Arben Kosturi, ndërroi jetë nga Covid. Fatkeqësisht edhe kolegët Lek Plani në Shkodër, Zenepe Luka në Vlorë, Prend Shota në Fushë Krujë, Nuri Dragoi në Tiranë, Koce Devole në Tiranë, Kasem Hysenbelliu në Tiranë, dhe i riu 35 vjecar Julian Buzo, humbën betejën. Por ndërkohë jeta e qindra gazetarëve të tjerë është e kërcënuar dhe zgjidhja është futja e gazetarëve në kategorinë prioritare për vaksinim.