Përfundimi i numërimit të votave preferenciale formësoi edhe emrat e Parlamentit të ardhshëm të Shqipërisë. Partitë e reja që kanë arritur të fitojnë përfaqësim në Kuvend kanë ndryshuar dinamikën parlamentare, edhe pse Partia Socialiste me një shumicë prej 83 mandatesh do të formojë qeverinë e re pa pasur nevojë për koalicion. Kjo dinamikë e re do të sjellë edhe formime të reja të grupeve parlamentare në Kuvend. Me rezultatin e 11 majit, partitë e mëdha nuk e kanë të vështirë të formojnë grupet e tyre parlamentare. Për partitë e vogla, PSD e Tom Doshit, ajo Mundësia e Agron Shehaj, Nisma Shqipëria Bëhet e Adriatik Lapaj dhe Lëvizja Bashkë e Arlind Qorit, kjo situatë nënkupton se ato do të funksionojnë si deputetë të pavarur ose mund të bashkëpunojnë me parti të tjera për të formuar grupe parlamentare të përbashkëta, nëse arrijnë të përmbushin kriterin e numrit minimal të deputetëve. Kjo do të varet nga marrëveshjet politike dhe strategjitë e bashkëpunimit. A do të mund të formojnë një grup të përbashkët parlamentar? Bashkë me PSD partitë e vogla bëjnë 7 mandate, por a do kenë bashkëpunim? Nëse jo, kujt do i marrin deputetë "hua" nga partitë e mëdha dhe kush do jetë në krye? Apo do të vijojnë të qëndrojnë si të pavarur secili? Talk Show politik "TOP STORY", çdo të hënë dhe të enjte ora 21.00, të mërkurën ora 22:00 në Top Channel. Në një sfidë të re jashtë politikës, pranë medias dhe drejtuar njerëzve, Grida Duma, sjell një hard talk me debat substancial, ku e vërteta thuhet sic është dhe politika serviret jashtë kolltuqeve të privilegjit të pushtetit. Kjo do të jetë një "Story", ky është "Top Story" dhe ky emision, do të jetë "On Top" Autore dhe moderatore: Grida Duma