Disa nga dosjet më të bujshme që Fiks fare ka trajtuar siç është dosja " Stela" Stela ishte një vajzë nga qyteti i Vlorës e cila shfrytëzohej nga oficerë të policisë, apo punonjës policie për të futur në kurth biznesmenë apo individë të ndryshëm, të cilëve me pas u vendoseshin gjoba për t’u mbyllur dosjet. Shpëtimi i i fëmijëve nga trafikimi, ka qenë në fokus jo vetëm të mediave shqiptare por edhe atyre të huaja, që morën shkas nga emisioni Fiks Fare për të risjellë në vëmendje këtë fenomen të trishtë dhe skandal që do të mbahej mend gjatë. Pas më shume se 10 vjetesh Fiks Fare e ritrajton këtë çështje edhe në shkurt 2023. Një baba 27 vjeçar nga Durresi së bashku me bashkëshorten e tij, kanë nxjerrë në shitje 5 mije euro fëmijën e gjashtë edhe pse ai nuk kishte ardhur akoma në jetë. Afera korruptive në Gjykatën e Pukës për ndryshimin e masës së sigurisë së një të riu në këmbim të 5 milionë lekëve që do të ndaheshin mes prokurorit dhe gjyqtarit, u faktua nga Fiks Fare në një filmim të kryer në zyrën e kancelares së gjykatës. Kancelarja dhe sekrearja e kryetarit të Gjykatës së Pukës numërojnë paratë që japin familjarët e të pandehurit për ndryshimin e masës së sigurisë nga “arrest në burg pa afat” në “detyrim për paraqitje”. Shuma e parave u mor në emër të gjyqtarit të çështjes, Shtjefën Lleshi dhe prokurorit Pëllumb Prençi.