Vendimi i Lulzim Bashës dhe Monika Kryemadhit për djegien e mandatave, i bëri peshqesh Kuvendit të Shqipërisë një grup deputetësh, të cilët edhe kur flasin në parlament shpalosin nivelin e tyre mizerabël, e më pas kthehet në material skeçesh për emisionin “Portokalli”. Të tillë deputetë ndodhen në listën e Kuvendit të shpërblyer me dieta dhe rimbursim karburanti në muajt e izolimit me Covid-19. Gjatë kohës së pandemisë paçka se ka qenë i shtruar në spital e më pas në shtëpi duke mos marrë pjesë në seancat plenare të muajit prill, deputeti Adriatik Alimadhi është paguar 400 mijë lekë rimbursim karburanti. Zoti Alimadhi i pyetur nga Top Channel përse e ka pranuar këtë pagesë të Kuvendit, ndërkohë që ai ka qëndruar në shtëpi i sëmurë dha këtë përgjigje.