Emisioni Fiks Fare solli rastin e një të miture nga fshati Grykë i Fierit. A.M ankohet në emisionin Fiks Fare se një zotëri rreth 40 vjeç i ka ngacmuar vajzën minorene seksualisht. Ai tregon se vajza e tij shkon nga fshati Grykë deri në Fier në shkollë, ku ndjek vitin e parë gjimanz, por që të shkojë dhe vijë deri në fshatin më të afërt shkon në këmbë dhe pastaj merr urbanin. Sipas A.M nga momenti që vajza ka zbritur nga urbani për të ardhur në shtëpi , 40 vjeçari e ka marrë dy herë me makinë dhe e ka sjell për në fshat, madje pasi e zbret nga makina në fillim të fshatit ai e ndjek me makinë nëpër rrugica. A.M thotë se shkova të ballafaqohem me të, por ai më goditi, për këtë arsye kanë shkuar dhe në komisariat ku edhe vajza edhe autori i dyshuar kanë dhënë dëshmitë e tyre. Por zotëria i është drejtuar Fiks Fare pasi siç pohon dhe vetë ai nuk ka besim tek policia e shtetit, " Ai ka familjarët e tij në strukturat e policisë ndaj unë nuk kam besim".