Drejtuesi politik i Partisë Socialiste për Qarkun e Vlorës Damian Gjiknuri shoqëruar nga kandidati për deputet Anduel Tahiraj dhe nënkryetari i bashkisë, Afrim Qendro, prezantuan kandidaten për deputete Teuta Ramaj, vajzë vlonjate e komunitetit çam e cila në këtë fushatë elektorale iu bashkua ekipit socialist, si kandidatja për deputete me numrin nëntë nën siglën e Partisë Socialiste. Në fjalën e tij përshëndetëse Anduel Tahiraj pohoi se “Përpara se të jemi përfaqësues të komuniteteve që na përfaqësojnë ne jemi të gjithë vlonjatë. Jemi njerëz që e shohim çdo ditë zhvillimin e qytetit.Gjithë skuadra jonë është për të vazhduar ndryshimet në qytet. Në 25 prill, Vlora do të vendosë jo vetëm për fatin e saj por për fatin e të gjithë Shqipërisë. Ftojmë qytetarët që të mbështesin PS, të mbështesin Teutën, për të vërtetuar se historia dhe gjithë ndryshimet e rëndësishme fillojnë nga Vlora”. Gentian Hajrullai, përfaqësues i komunitetit çam falenderoi PS-në për mundësinë e përfaqësimit të komunitetit përmes kandidates për deputete, Teuta Rama.”Kauza Çame, problemet e komunitetit që ne kemi, përmes kandidaturës që Teutës do të mund të marrin drejtim. Falenderojmë PS-në që pas shumë vitesh realizoi një projekt për lagjen kume. Komuniteti ynë duhet ta mbështesë masivisht Teutën që dhe ne të kemi zërin tonë në parlament”.