Situata shkaktuar nga pandemia e covid 19 përplasi ne distance Kryeministrin me Presidentin. Kryetari i shtetit beri publike një letër dërguar Kryeministrit, Kryetarit te Kuvendit dhe Ministres se Shendetesise ku kërkon informacion mbi numrin e testime, kapacitetet mjekësore dhe spitalore si dhe parashikimet buxhetore per përballimin e situatës se covid 19. “Me shtim të numrit të personave të infektuar, e fatkeqësisht me rritje edhe të numrit të qytetarëve të cilën kanë humbur jetën, shtrohet si domosdoshmëri një rivlerësim tërësor i situatës dhe masave të marra në raport me të, duke konsideruar edhe afrimin e stinës së ftohtë, si një tjetër faktor rëndues. Situata e pandemisë pritet të përkeqësohet drejt një katastrofe, që duhet parandaluar në kohë”. Kryeministri Edi Rama nuk vonoi te reagoje, si fillim i kërkoi Presidentit te mos përfshihet ne pune qe si takojnë dhe se dyti e këshilloi te mbaje maskën ne publik dhe ti beje thirrje ish partisë se tij te ndale thirrjet kundër masave anticovid. “Ilir ti s’ke asnjë kompetencë të fusësh hundët në punët e ekspertëve për menaxhimin e situatës mjekësore! Si fillim mos dil vetë pa maskë nga shtëpia, mblidh edhe partinë tënde që të mos bëjë thirrje histerike kundër maskës dhe shiko punën që ke se vetëm atë s’po bën prej kohësh! Ekspertët janë ata që vendosin për hapat që duhen ndërmarrë çdo ditë në bazë të strategjisë së vjeshtë-dimrit. Rritja e numrave është brenda parashikimeve dhe ne duhet të shmangim me çdo kusht një mbyllje të re, prandaj secili, ti i pari, duhet të zbatojë rregullat e thjeshta!”.