Në takimin e parë për këtë sezon televiziv, “Ora e Tiranës” është ndalur në një prej monumenteve simbol të kryeqytetit, tek Xhamia e Et’hem Beut, që prej dy vitesh po i nënshtrohet restaurimit. Ngadalësia e punimeve dhe mungesa e informacionit mbi këtë punë delikate, ka nxitur dyshime të shumta në rrjet, ndaj sot, përmes intervistave me specialistë të Institutit Kombëtar të Trashëgimisë Kulturore, do t’i përgjigjemi pyetjes; Çfarë po ndodh brenda Xhamisë së Et’hem Beut?