Gentian Bejtja, ish-polic dhe eksponent i njohur i botës së krimit, u ekzekutua pasditen e 15 marsit, teksa ndodhej në banesën e tij, në Larushk të Fushë Krujës. Ndaj Bejtjas derdhën plumba 4 kallashnikovë, ndërsa ishte në serën e banesës ku dhe humbi jetën. Ai u shpëtoi atentateve, por armiqtë duket se e mbanin nën vëzhgim dhe vepruan kur Bejtja arriti në shtëpinë në Fushë Krujë. Pas 8 muajsh në kërkim nga policia, ai shkoi të premten në banesë ku e priste vetëm nëna por gjeti vdekjen. Në momentin e atentatit, Bejtja ishte në kërkim për t'u marrë në pyetje lidhur me atentatin që u bë ndaj tij më korrik 2023. Pasi derdhën 4 karikatorë kallashnikovi, autorët u larguan pa lënë gjurmë nga vendi i ngjarjes. Gazetar: Kristo Kote Çdo ditë në një transmetim live do të vinë ngjarje të aktualitet, fenomene histori njerëzore, por edhe ngjarje të bujshme, ku program do të thellohet në to për të sjellë ekskluzive protagonistët e tyre. Lidhje direkte nga e gjithë Shqipëria. Dinamika e jetës shqiptare do të jetë çdo ditë në ekranin e Top Channel. Prezantojnë: Erjona Rusi & Arjon Muça Autore: Eralda Kenaj