Zëvendëskryeministri Erion Braçe me anë të një videoje në Instagram ka denoncuar abuzimet me çmimet që bëhet nga tregu agroushqimor në Tiranë. Gjatë një kontrolli në orën 05:30 të mëngjesit të sotëm, Braçe me një vëzhgim të bërë nga vetë ai në tregun agroushqimor, duke e cilësuar si treg monopol, tregon se këtu abuzohet hapur me çmimet dhe se nuk jepet asnjë faturë apo kupon. Braçe shkruan se dhe kur i pyet për çmimin, e caktojnë atë vet sipas dëshirës, duke e vendosur aty për aty pa paraqitur asnjë kupon tatimor, asnjë fature dhe duke fituar deri në 20 lekë për kilogram, më shumë se dhe vetë bujku që e prodhon dhe ua shet atyre me një çmim tepër të ulët 20-25 lekë.