Emrin e ka Gramoz por e njohin si Dritan, ka mbajtur shumë emra ndër të cilët edhe Lulzim e shumë të tjerë deri tek i fundit, Benjamin Omar Perez Garcia. Me këtë emër në pasaportë do të arresohej tre ditë më parë në kryeqytetin e Turqisë, i shumëkërkuari Dritan Rexhepi. Më datë dhjetë nëntor, një grup i madh policësh të shtetit turk, rrethuan vilën e tij në Stamboll duke shkatërruar derën e hedhur përtokë me duart në hekura, Dritan Rexhepin. I konsideruar si "koka" e kartelit të Drogës, apo "mbreti i kokainës" ai akuzohet për vepra të shumta penale ndër të cilat edhe për pengmarrjen dhe vrasjen e Jan Prengës disa vite më parë. Dritan rexhepi ishte shpallur në kërkim ndërkombëtar i dyshuar për shumë vepra penale. Ai kërkohej edhe në Spanjë, Itali dhe Britaninë e Madhe si i akuzuar për për trafikun e kokainës. Në Shqipëri ishte dënuar në mungesë me 25 vite burg, për vrasjen e dy policëve në Fushë-Krujë, Arben Keqi e Durim Kasmi, ngjarje kjo e ndodhur në vitin 1998. Një vit më herety ishte arrestuar në ambientet e “Hotel Tirana” së bashku me Nadien Zeneli por do të arratisej nga ambientet e komisariatit të policisë Durrës. Do të arratisej edhe pas arrestimit në Itali, dhe më pas për herë të tretë do të arratisej gjatë vuajtjes së dënimit në Belgjikë, nga burgu Merksplas.Policia turke e e ka arrestuar së fundmi e ka arrestuar i akuzuar si lideri i kartelit ndërkombëtar të drogës me emrin “Kompanio Bello”, i cili transporton drogë nga Amerika e Jugut drejt Europës. Autoritetet gjyqësore shqiptare dhe italiane e kanë shpallur në kërkim për krimet: vrasje me dashje, drogë, rrëmbimi/privim lirie i personit, falsifikim i dokumenteve të udhëtimit, trafik armësh dhe municionesh"