Tri javë pasi kryeministri grek Kyriakos Mitsotakis e konfirmoi si pjesë të listës prej 42 kandidatësh së partisë “Demokracia e Re” për zgjedhjet europiane, Fredi Beleri është vizituar në burg nga një zyrtar i lartë helen. Bëhet fjalë për eurodeputetin dhe kreun e Komisionit të Asociim–Stabilizimit BE-Shqipëri, Manolis Kefalogianis. Ky i fundit festoi pashkët në Shqipëri, e u ndal më pas në burgun e Fierit, rreth orës 11:00 duke vizituar në qeli bashkëkandidatin e tij Fredi Beleri. (Është hera e katërt që Kefalogianis viziton Belerin në burg) Në këtë takim me Belerin, i cili më 12 maj plotëson një vit qëndrimi pas hekurave, Kefalogianis është shoqëruar edhe nga kreu i PBDNJ-së, Vangjel Dule. Në përfundim të takimit, për mediat foli vetëm Dule, i cili tha se kjo vizitë është dëshmi e interesimit të politikës greke për këtë çështje. Gazetar: Orest Floku Çdo ditë në një transmetim live do të vinë ngjarje të aktualitet, fenomene histori njerëzore, por edhe ngjarje të bujshme, ku program do të thellohet në to për të sjellë ekskluzive protagonistët e tyre. Lidhje direkte nga e gjithë Shqipëria. Dinamika e jetës shqiptare do të jetë çdo ditë në ekranin e Top Channel.