Një shprehje popullore thotë: Jo çdo e keqe, vjen për keq. Vërtet 2020-ta ishte vit i trishtë në përgjithësi, por pati edhe gëzime, përgjatë saj. Dikush u martua, dikush u bë me fëmijë, një tjetër kaloi një operacion të vështirë, apo doli fitimtar ndaj Covidit. “Edhe tani për një gëzim e kemi blerë tortën. Festojmë një ditëlindje.” “Nipi m’u bë me binjakë. “ “Plot gëzime familjare patëm.” “Mua më bleu babi overboard, dhe në shtëpi blemë makinë të re.” “As tërmeti nuk na dëmtoi dhe as Covidi nuk na zuri.” “Ne e kemi kaluar Covidin, unë dhe bashkëshorti. Prapë ruhemi. Shyqyr që jemi mirë me fëmijë e nipër e mbesa.“ “Kishim edhe gëzime, por i kemi harruar nga hidhërimet.” “Ne ruajtëm punën, fëmijët i keni të vegjël.” “Qëndruam shumë kohë të gjithë bashkë në shtëpi. Shëndetin e kemi të mirë. Ja këto janë gëzime për ne.”, tha qytetarja.