Krijimin e partive te reja te spektrit te djathte ne prag te zgjedhjeve parlamentare Lulzim Basha nuk e sheh si përgjegjësi te tijen Kur pyetjet për kritikat e paraardhësit e tij se ka gabuar për përjashtim nga listat te Jozefina Topallit, Basha është i prere ne komente. “Nuk ka asnjë parti te dale nga Partia Demokratike, por ka vetëm parti te krijuara nga Edi Rama, por prape është i pashprese. Kjo tregon sesa i pashprese është”. Ne zgjedhjet e 25 Prillit Lulzim Basha do te përballet jo vetëm me Partine Socialiste por edhe demokrat te larguar nga Partia Demokratike, te cilët kane krijuar subjektet e tyre politike. Me e fundit, qe nuk i është thare ende boja e regjistrimit është Partia Lëvizja Demokratike Shqiptare e deputetit rebel Myslym Murrizi. Rikthim ne Parlament kërkon edhe e bija e Azemit, Rudina Hajdari, e cila është ne fazën e mbledhjes se firmave. Bamir Topi ish nënkryetar i Partisë Demokratike do te garoje ne logon e FRD-e se tij, ndërkohe një tjetër ish funksionar i larte demokrat, ish numri dy i partisë Demokratike Astrit Patozi do kërkoje te ndryshoje mendimin e shqiptareve me Bindjen e tij Demokratike. Spektrit te partive te djathta 6 muaj para zgjedhjeve pritet ti bashkohet edhe Lëvizja për Ndryshim e ish nënkryetares demokrate Jozefina Topalli, e cila pritet te zyrtarizoje te mërkurën projektin e saj politik.