Bllokimi i punës në aeroportin e Rinasit u bë pjesë e fushatës elektorale edhe të liderit të opozitës. Nga Lushnja, Lulzim Basha, për të dytën herë bëri përgjegjës Edi Ramën për situatën e krijuar. “Zgjedhja e 25 prillit është fare e thjeshtë. 8 vite me radhë lushnjarët u varfëruan, çmimet janë rritur, vendet e punës janë mbyllur, rinia ka emigruar dhe përgjegjësi për këtë dështim vjen dhe edhe kërkon edhe katër vite të tjera. Dështim në ekonomi, dështim në shëndetësi, dështim në arsim, dështim në gjithçka. Edhe kjo që po ndodh me aeroportin nuk është gjë tjetër veçse dështimi i radhës së një njeriu që ka vënë interesat e tij mbi interesat e çdo shqiptari. Ndaj, di që padurimi për ta larguar është i madh”, tha Basha. Nga nisja e fushatës elektorale Lulzim Basha dhe Edi Ramën janë përballur vehtëm në rrjete sociale apo edhe në distancë me njëri tjerin. në cërrik ku u takua me fermerë të zonës kryedemokrati dha arsyen sepse sipas tij kundërshtari politik refuzon debatin. “Detyra e tij te vije e t’iu thote ca ka bere 8 vite me radhe. Ai nuk ka ndermend ta beje. Nuk vjen as ne debat, sepse sado qe fryhet dhe e trash zerin eshte frikacak per tu perballur sepse ka dështuar. Merret vehtem me opoziten, me batuta dhe sharje”, shtoi kryedemokrati.