Një aksident tragjik ndodhi mbrëmjen e së dielës në autostradën Tiranë-Elbasan, në dalje të tunelit të Krrabës, ku për pasojë humbën jetën dy vajza. Sipas të dhënave, një automjet tip benz, ka goditur fort nga mbrapa mjetin “Volkswagen”, ku udhëtonin katër shtetase nga Shkodra , duke i nxjerrë ato jashtë rruge. Kanë qenë shërbimet e policisë dhe ato zjarrëfikëse të cilat i nxorën vajzat nga automjeti ku kishin mbetur të bllokuara, dhe i dërguan me urgjencë në spital. Por dy nga vajzat të moshës 22 dhe 23 vjeçe, nuk arritën t’i mbijetonin dot plagëve të marra për shkak të përplasjes së fortë. Ato u identifikuan si Lusinda Garunja dhe Xheneta Qallia.