Një 28-vjeçare nga Holanda, Zoraya ter Beek ka vendosur t’i nënshtrohet eutanazisë muajin e ardhshëm për shkak të problemeve të rënda psikologjike që ajo thotë se po ia bëjnë jetën të padurueshme. 28-vjeçarja vendosi të vdiste pasi psikiatri i tha se nuk mund të bënte asgjë më shumë për ta ndihmuar, pasi ata tashmë kishin provuar gjithçka dhe se gjërat “nuk do të përmirësoheshin kurrë për të”. Në atë moment ajo mori dhe vendimin drastik. “Çlirimi”, siç e quan ajo vdekjen, do të vijë në shtëpinë e saj, në prani të mjekut që do ta ndihmojë. 28-vjeçarja dëshiron që kjo të ndodhë në divanin e saj. “Gjithmonë e kam ditur se nëse nuk do të përmirësohesha, nuk do të duroja më. Nuk e shoh si largimin e shpirtit, por më shumë si lirimin tim nga jeta. Ishte nder t’u ofroj dije njerëzve që ishin të hapur për të mësuar”, ka shkruar ajo në letrën e saj të lamtumirës. Gazetar: Kristo Kote