Princesha Kate Middleton është e prekur nga kanceri. Ky është lajmi i trishtë që vjen nga familja mbretërore pas shumë teorive konspirative që qarkullonin në media. Ka qenë vetë Princesha e Uellsit që me anë të një video mesazhi konfirmoi praninë e sëmundjes në trupin e saj, por pa dhënë detaje se nga çfarë lloj kanceri vuan. 42-vjeçarja deklaroi se sëmundja është kapur në fazat e hershme dhe se tashmë po vijon kurimin.Ajo tha se ishte një “shok i madh” pas “dy muajsh tepër të vështirë”. Pavarësisht vështirësive ajo ka shtuar se po bëhet më e fortë.Deklarata e princeshës shpjegon se kur ajo bëri një operacion abdominal në janar, nuk dihej nëse ishte e prekur nga kanceri. Gazetar: Orest Floku