Ekstradimi i parë historik nga Dubait drejt vendit tonë u krye ditën e djeshme. I deportuari ishte Bruno Çobo, koka e një grupi kriminal i shpallur në kërkim nga SPAK për mashtrim në bashkëpunim me 16 persona të tjerë. Ai akuzohet për veprat penale të “Mashtrimit kompjuterik”, në dëm të disa personave në bashkëpunim në formën e grupit të strukturuar kriminal. Çobo u arrestua tre javë më përpara në Dubai, ku fillimisht ka pasur një tentativë për të marrë azil, por kur iu refuzua, vetë i arrestuari shprehu pëlqimin për ta vijuar betejën e tij me drejtësinë në vendin e tij. Në këtë pikë, nisin të lindin pyetjet: si mund të deportohet një person nga një vend me të cilin shteti ku e ka kryer krimin nuk ka marrëveshje ekstradimi me shtetin që e ka arrestuar? Mos kemi të bëjmë me standard të dyfishta të këtyre vendeve? Apo gjithçka varet nga legjislacioni I vendit arrestues? Gazetar: Kristo Kote Çdo ditë në një transmetim live do të vinë ngjarje të aktualitet, fenomene histori njerëzore, por edhe ngjarje të bujshme, ku program do të thellohet në to për të sjellë ekskluzive protagonistët e tyre. Lidhje direkte nga e gjithë Shqipëria. Dinamika e jetës shqiptare do të jetë çdo ditë në ekranin e Top Channel.