9 të rinj konfliktuohen me njëri-tjetrin dhe dalin live në TikTok, detaje nga ngjarja-Shqipëria Live

Një sherr mes 9 adoleshentëve ka ndodhur ditën e martë (9 prill) në ambientet e një berberi në lagjen "1 Maji" në Vlorë. Sipas burimeve, sherri ku u thyen xhamat e dyert e berberhanes dhe ishin të përfshirë shtetasit K. C., 19 vjeç, F. Sh., 19 vjeç, D. I., 18 vjeç, G. C., 18 vjeç me 5 shtetas të mitur, të moshave 14-16 vjeç, ka ndodhur për shkak të një vajze të quajtur "A". Pas incidentit ku dy adoleshentë të moshave 17 dhe 15 vjeç mbetën të plagosur, 9 të rinjtë u shoqëruan në Komisariatin e Vlorës. Por si duket edhe pas shoqërimit ata kanë dalë 'live' në TikTok nga Komisariati. Mësohet se adoleshentët janë konfliktuar edhe më parë për vajzën në fjalë, por nuk dihet lidhja që kanë me të. Gazetare: Luçiana Hulej