Pas transmetimit të kronikës në “Fiks Fare” për rastin e rëndë të dy motrave të mitura në Fier, ka reaguar administratori i njësisë administrative Vajkan, Indrit Zeqo. Ai sqaroi se institucionet vendore ndërhynë menjëherë pasi u njoftuan për situatën, duke gjetur nënën e vajzave dhe duke nisur procedurat përkatëse. Sipas tij, familjes i është siguruar strehim i përkohshëm në konvikt, ndërsa po punohet për gjetjen e një banese me qira. Gjithashtu, është parashikuar ndihmë ekonomike mujore për vajzën e mitur. Rasti u bë publik pas akuzave të ndërsjella të prindërve, ku pretendohet se 12-vjeçarja ishte martuar në moshë të mitur, ndërsa motra tjetër kishte qenë dëshmitare dhe viktimë e situatave të rënda brenda familjes.