Votimi më shumë se njëherë i një personi në zgjedhje, është një dukuri e përsëritur ndër vite në Shqipëri. Për ti dhënë fund këtij fenomeni pjese e dakortësisë mes palëve në marrëveshjen e 5 Qershorit, është edhe identifikimi elektronik i atyre që votojnë përfshi disa projekte pilot për numërimin elektronik. Të bërit realitet të identifikimin elektronik është një prioritet i KQZ-s së re e cila fillimisht identifikojë koston, përmes marrjes së çmimit, prej disa kompanive ndërkombëtare, prodhuese të kësaj teknologjie. Tashmë KQZ e ka një kosto për këtë proces. Është Ilirian Celiabashi Komisioneri Shtetëror i Zgjedhjeve ai i cili përmes një letre dërguar qeverisë, thotë se nga analizat e propozimeve financiare, vlera e këtij projekti shkon mbi 1 miliard lekë. Kjo shumë është sa i gjithë buxheti që KQZ-s, miratuar në realizimin e procesit zgjedhor prandaj thotë zoti Celibashi nuk mund të përdoret në këtë projekt. Në të tilla kushte kur kanë mbetur 145 ditë nga zgjedhjet e 25 Prillit, topi për ta realizuar identifikimin elektronik, është në fushën e qeverisë për të vë në dispozicion plot 1 miliard lekë të tjera buxhet, siç kërkon KQZ në një kohë kur vendi është goditur fort nga pandemia e Covid19. “Kërkojmë ndërhyrjen tuaj emergjente thotë Ilirjan Celibashi në fund të kësaj letre, për vënien në dispozicion të KQZ të fondeve të domosdoshme për implementimin dhe numërimin elektronik në zgjedhjet e 25 Prillit.