Niveli I bullizmit kibernetik në vendin tonë është rritur ndjeshëm gjatë periudhës së viteve 2018-2022. Në këtë përfundim ka dalë Organizata Botërore e Shëndetësisë (OBSH), në raportin 4-vjeçar, i cili u publikua ditën e djeshme. Në raport, bie në sy se mosha që ka bullizuar më shumë bashkëmoshatarët është ajo 15 vjeçe, sipas të dhënave të përpiluara në raport, Shqipëria zë vendin e 8-të. Më pas, vijnë të miturit e moshës 13 vjeçe, duke zënë vendin e 13-të mes 44 shteteve, ku u zhvillua studimi. Fatkeqësisht, ky fenomen është i përhapur edhe midis 11-vjeçarëve, duke u renditur në vendin e 23-të. Gazetar: Kristo Kote