Nga ajo çfarë është raportuar numri i viktimave në vendin tonë nuk është i vogël duke marrë parasysh numrin e të infektuarve, por a lidhet kjo me faktin se këta persona kanë pasur edhe sëmundje të tjera apo trajtimet nuk kanë dhënë efektin e duhur? "Të thuash kush është shkaktari i vërtetë i vdekjes virusi dhe ta arrish në një konkluzion të përgjegjshëm ajo bëhet vetëm më autopsi. Vetëm me autopsi mund të kuptosh çfarë ka ndodhur. Por duke ndjekur një logjike të zakonshme mjekësore gjithmonë mendohet se një person që ka një zemër të dëmtuar, një mushkëri të dëmtuar apo një veshkë të dëmtuar me një infeksion dhe një ulje të nivelit të oksigjenit do ta përballojë shumë më keq sesa në person që nuk i ka këto sëmundje bashkëshoqëruese. Siç është parë ky virus mund të sulmojë vetëm enët e gjakut mund të sulmojë vetëm muskujt e zemrës dhe të krijojë infarkt. Dhe janë dy gjëra të ndryshme kur thuhet vdiq me Kovid-19 apo vdiq nga Kovid-19"