Edhe tregu imobiliar është tronditur pas tërmetit të 26 nëntorit. Për shkak të pasojave të rënda të tërmetit, por edhe panikut të shkaktuar, ka një fluks të madh të kërkesave për banesa me qira, por edhe të atyre njerëzve që duan të blejnë shtëpi njëkatëshe apo në katet e ulëta të pallateve jo shumëkatëshe. Vetëm në Tiranë numërohen rreth 1300 shtëpi të pabanueshme, sipas të dhënave zyrtare nga Zyra e Ministrit Fuqiplotë për Adresimin e Pasojave të Tërmetit, të cilët duhet të akomodohen në shtëpi të sigurta. Ndërkohë situata nuk është lënë t’u shpëtojë nga duart as atyre që japin shtëpitë me qira: Çmimet e qirave janë rritur. Por Juliana Nela, Master Broker në sistemin imobiliar tha se pas tërmetit të 26 nëntorit një faktor tjetër është vënë re. "Janë rritur kërkesat për blerje toke sepse njerzit por kërkojnë tokë për ti ndërtuar vetë shtëpitë e tyre"- tha ajo. Nga ana tjetër, edhe ata që duan të blejnë një shtëpi, po e shohin gjithçka ndryshe pas tërmetit.