Numri i pacientëve të konfirmuar me koronçavirus në vendin tonë ka është rritur ndjeshëm që nga dita e premte e fundjavës që shkoi. Po ashtuqë numri i viktimave është rritur, duke shkuar në 21 persona që kanë humbur jetën nga Kovid 19. Vatrat më të nxehta vazhdojnë të mbeten Tirana, Shkodra, Durrësi, Fieri ndërkohë që në qytetet e tjera duket se numrat nuk janë rritur ndjeshëm, pavarsisht rasteve të konfirmuara tashmë. Por krahas kësaj panorame ka dhe një lajm të mirë, vazhdon të rritet numri i personave që fitojnë betejën më këtë virus. Por kemi lënë pas javën e parë të muajit prill, si parashikohet të jetë situata, a duhet të hiqet disa prej masave kufizuese .... për këtë dhe shumë zhvillimet të tjera të ditëvë te fundit diskutuam sot me mjekun infeksionist Pëllumb Pipero, pjesë e grupit të mjekëve që janë në vijën e parë të përballjes me këtë virus të ri. I pyetur pse Tirana, Shkodra, Durrësi dhe Fieri janë vatrat më të nxehta të këtij virusi, mjeku infkesionit thotë se: "Kolegët e mi dhe unë e kemi konsideruar këtë sëmundje si një sëmundje urbane jo se përjashton dhe nuk prek personat në zonat rurale por kryesisht aty ku ka popullatë apo kontakte të shtuar të njerëzve"- tha ai. Sipas Piperos personat që kanë humbur jetën nga Kovid-19 në vendin tonë kanë qenë të moshuar dhe me sëmundje klinike duke mos përjashtuar as obezitetin si faktor risku.