Sot është një ditë e veçantë jo vetëm se është “Shën Valentini”, dita e të dashuruarve, por se pikërisht me 14 shkurt 1998 është dita kur ka nisur transmetimin zyrtar, radio e parë private në vend, Top Albania Radio, e cila sot feston 22 vjetorin e saj. Prezantuesja e parë e Top Albania Radio ka qenë pikërisht Gerta Heta. Që prej asaj dite, (14 shkurt 1998) Top Albania Radio është shndërruar në fenomen, pasi vazhdon të mbetet radio më e dëgjuar. Ky medium përcjell muzikën më të zgjedhur shqiptare dhe të huaj dhe edicionet informative të cilat transmetohen çdo 60 minuta me lajmet më të fundit nga vendi dhe bota, por dhe me një larmi programesh kulturore e sportive. Për të folur më gjatë për këto 22 vite dashuri, me ne sot në studio ishte gazetarja Gerta Heta dhe Dj i Top Albania Radio, Ervin Xhixho, i cili i ka dedikuar një dokumentar radios ku u rrit, titulluar “Top Albania Radio-The Beginning”.