Spitali i Kirurgjisë në ambientet e Qendrës Spitalore Universitare Nënë Tereza në Tiranë trajton me mijëra pacientë çdo ditë. Vetëm për ndërhyrjet kirurgjikale janë 900 pacientë në vit, pa përfshirë këtu 23 mijë që i nënshtrohen ndërhyrjeve mikrokirurgjikale dhe pa përfshirë këtu numrin e pacientëve që thjesht marrin konsulta. Për vite me radhë vetë mjekët që kanë shërbyer dhe shërbejnë aty janë ankuar për kushtet e vështira , për mungesën e pajisjeve, mjeteve të cilat janë pjesë e operacioneve të rëndësishme. Por duket se pacientët shqiptarë dhe vetë mjekët do të përballen me një panoramë krejt ndryshe përgjatë këtij viti e në vazhdim. Vetëm pak ditë më parë, është inaguruar spitali që mban emrin e kirurgut të njohur shqiptar " Frederik Shiroka", Një godinë moderne, me salla, pavijone të reja, gati për të pritur mijëra pacientë që do të kenë nevojë për ndihmë mjekësore.