Pas Italisë me numrin më të lartë të infektuarve dhe vdekjeve, Spanja është shteti që po përjeton pothuajse të njëjtën situatë. Çdo ditë rritet në mënyrë të shpejtë si numri i të prekurve dhe që kërkojnë ndihmë mjekësore si dhe atyre që humbasin jetën nga Covid-19. Rajoni më i prekur është Madridi, ku spitalet po punojnë jashtë kapaciteteve. Por ashtu si dhe në çdo vend tjetër punonjësit shëndetësorë të infektuar me koronavirus në Spanjë janë rritur mbi 5 400, vetëm në 2 ditët e fundit. Sipas Fernando Simon, Drejtor i Qendrës së Koordinimit të Urgjencave spanjolle, ka pasur një mungesë të theksuar të mjeteve mbrojtëse dhe furnizimet në këtë kohë janë të vështira globalisht. Autoritetet e shëndetësisë në Spanjë, kanë vlerësuar se kulmi i rasteve do të jetë mesi i prillit ndërkohë që transmetimi i sëmundjes do të zgjasë nga dy deri në katër muaj. Por si është situata në 24 orët e fundit në Madrid, si po përballen mjekët dhe sa të ndërgjegjësuar janë vetë qytetarët për të zbatuar masat e marra... për të gjitha këto ishim sot në një lidhje Skype me mjeken, Dori Vyshka që është pikërisht gjatë gjithë kësaj kohe në vijën e parë të përballjes me pacientët e prekur me Covid-19.