Debati mbi rrjetin 5G, ka mbërritur edhe në Shqipëri kohët e fundit. Një debat sa politik që ka mbërthyer vendet më të fuqishme të botës, por nga ana tjetër mes ekspertëve , studiueseve dhe shkencëtarëve prej muajsh kanë nisur shqetësimet se sa impakt do të ketë mbi shëndetin e njeriut rrezatimi që do sjellë rrjeti 5 G. Në ShBA, një prej kundërshtarëve më të fuqishëm të këtij rrjeti, Arthur Robert Firstenberg, studiues i njohur, doli me argumentin se rrjeti super i shpejtë mund të shkaktojë kancer te njerëzit dhe kafshë të egra si dhe mund të përkeqësojë simptomat e mbindjeshmërisë elektromagnetike dhe kjo sipas tij mund të sjellë një katastrofë globale.Por nga ana tjetër 5G, lobohet si një nga arritjet më të mëdha, pasi teknologjia 5G mundëson shpejtësi të lartë interneti dhe reagim deri në 10 herë më shpejt, krahasuar me 4G, që do të thotë se përdorimi i teknologjisë 5G do të hapë siparin e përdorimit të një larmie teknologjish, duke përfshirë, robotikën e kontrolluar në distancë, makinat autonome, zhvillimin e bujqësisë, operacionet kirurgjikale në distancë etj. Ndërkaq AKEP( Autoriteti i Komunikimeve Elektronike dhe Postare) ka publikuar një raport në lidhje me matjet e rrezatimit nga antenat e telefonisë celulare në 9 qytetetetë Shqipërisë, nga ku ka rezultuar se deri tani nivelet e rrezatimeve të emetuara nga antenat celulare nuk e tejkalojnë pragun e sigurisë të përcatuar nga Komisioni Ndërkombëtar për Mbrojtjen nga Rrezatimi Jo Jonizues (ICNIRP). Megjithatë për të folur rreth efektin që kanë këto rrezatime, a janë të dëmshme dhe mbi të gjitha për rrjetin 5 G.