Fama e tij tashmë njihet, ai debuton në skenat më të mëdha botërore. E kemi fjalën për baritonin Gëzim Myshketa, i cili ashtu si shumë shqiptarë që jetojnë dhe zhvillojnë karrierat e tyre të suksesshme jashtë, vazhdojnë të kontribuojnë edhe në vendin e tyre. Në fakt ai këto ditë ka qenë në Shqipëri sepse për shumë njerëz që nuk e dinë, ai është një djalë nga Durrësi që ashtu si shumë të tjerë edhe familjarët e tij e kanë përjetuar tërmetin e 26 nëntorit. Gëzimi që ishte në kulmin e sezonit operistik, me rolin e Makbethit, "braktisi" gjithçka për tu arratisur bashkë me familjen në një vend të sigurt. Ne sot zbuluam se ku u "arratis" baritoni dhe si e përjetoi ai dhe familja e tij tragjedinë, por gjithashtu u njohëm edhe me suksesin e fundit si Makbethi i vetëm shqiptar i operës botërore ashtu si dhe me projektet e tij.