Ndër të gjithë lumenjtë shqiptarë, veçanërisht gjendja në Lumin Ishëm është alarmante: Rreth një e treta popullsisë së Shqipërisë jetojnë përgjatë basenit të këtij lumi. Ishmi rrjedh kryesisht nga Qarku i Tiranës, përfshirë kryeqytetin Tirana, bashkitë Vorë dhe Kamëz dhe mbledh pothuajse të gjitha ujërat e zeza të rajonit, si dhe sasi të konsiderueshme të mbetjeve te ngurta edhe ujrave te zeza industriale edhe urbane. Analizat e ujit të lumit tregojnë ndotje industriale shumë të lartë. Metali toksik i Kadmiumit është mbi 104 herë më lart se sa normat e lejuara të BE-së, ku niveli më i larte ndodhet në Lumin e Lanës afër Pallatit me Shigjeta dhe pranë autostradës. Niveli i lartë i metalit toksik Plumb i kalon me rreth 10 herë standardet e BE-së duke treguar vlerat më të larta në Përroin e Bërxullit edhe në Fshatin Breg-Shkozë të Prezës. Të dhënat vijnë nga një studim i kryer nga inxhinieri shqiptar Lulzim Baumann së bashku me Universitetin Teknik të Berlinit, Universitetin Bujqësor të Tiranës, Shoqatën e Bujqësisë Organike, mbështetur nga Fondacioni Gjerman “Heidehof”.