Tirana i kthehet normalitetit, rinis aktiviteti në shumicën e kopshteve dhe çerdheve në kryeqytet
03/12/2019 19:14

Sot, dita për fëmijët e kopshteve 11 dhe 52 në Njësinë 5, nisi me përrallën e Borëbardhës, e lexuar nga kryebashkiaku i Tiranës. I rrethuar nga dhjetra fëmijë, të cilët filluan si zakonisht mësimin, pas tërmetit të 26 nëntorit, Veliaj dha mesazhin se Tirana është e vendosur t’i kthehet jetës normale. Shumica e çerdheve dhe kopshteve publike të kryeqytetit hapën dyert në mëngjes për vogëlushët, pasi sipas tij, është shumë e rëndësishme që fëmijët t’i kthehen normalitetit. “Sot kemi hapur mbi 90% të kopshteve dhe çerdheve të Tiranës. Është një mesazh shumë i rëndësishëm për të treguar se jeta vazhdon, se Tirana është e vendosur t’i kthehet normalitetit. Kthimi i normalitetit nuk do të thotë të harrojmë çfarë ndodhi; përkundrazi, jemi më të përkushtuar për rindërtimin, për rehabilitimin e familjeve të prekura, jemi më të përkushtuar që ky dimër të zërë sa më shumë familje në kushte të mira pas tragjedisë, por siç e ka emrin edhe ky kopsht, kopshti “Cicërimat”, nëse nuk kemi cicërimat që sinjalizojnë se i jemi kthyer normalitetit, nuk kemi bërë asgjë”, tha ai. Për çerdhet dhe kopshtet që kanë ende nevojë për ndonjë meremetim të vogël, kryebashkiaku tha se punimet do të kryhen në kohë rekord, për t’u siguruar që javën tjetër, çdo gjë të jetë gati për të rifilluar aktivitetin në çdo institucion parashkollor të Tiranës. “Do të vazhdojmë riparimet edhe në ato 1 apo 2 kopshte që kemi për të bërë disa rregullime të fundit. Prindërit do të njoftohen që javën tjetër të jemi 100%, sot jemi 90%, do të shkojmë 100% në kthim në normalitet. Këshilla ime për prindërit është: qëndrojuni afër fëmijëve, nuk ju kushton asgjë t’u lexoni një përrallë, t’i përqafoni, t’i thoni të kam xhan, jam krenar për ty. Nëse kanë problem pagjumësinë të jeni aty për t’i vënë në gjumë”, u shpreh Veliaj. Sa i takon shkollave, ai sqaroi se një pjesë e atyre që nuk ofrojnë garanci për vijimin e mësimit do të prishen, ndërsa në pjesën tjetër që nuk paraqesin asnjë rrezik, do të bëhen vetëm riparime. “Disa shkolla do të prishen, siç është rasti i dy shkollave në Pezë dhe në Pezë të Vogël. Shkolla të rrënuara, të ndërtuara para 40-50 vitesh, të cilat do të bëhen të reja, më të bukura. Kurse në shkollat e tjera do të bëjmë riparimet e nevojshme dhe do të kemi njoftimet hap pas hapi edhe për hapjen e shkollave”, tha Veliaj. Më tej, ai theksoi se në këtë fazë është shumë e rëndësishme që të komunikohet vazhdimisht me fëmijët për t’u shpjeguar se s’ka më vend për frikë dhe se çdo gjë i është kthyer përditshmërisë. “Sot në këtë kopësht dhe në të gjitha kopshtet e Tiranës, jo vetëm kemi filluar normalitetin, por psikologët po punojnë me fëmijët, po ashtu edhe me edukatoret si të jenë më shpjeguese kur vjen puna për t’u shpjeguar fëmijëve se çfarë ka ndodhur, si të menaxhojnë frikën dhe stresin pas kësaj traume. Psikologët do të punojnë edhe me prindërit, ndaj është shumë e rëndësishme që pasi Tirana e kaloi me sukses integritetin fizik të ndërtesave, të kopshteve dhe të çerdheve, të ruajmë edhe integritetin mendor”, u shpreh Veliaj.

Fundjava në Dardhë, fshati malor mbulohet nga dëbora e parë
14/12 19:51
Durrës/ Hetim për shkollën e shembur, u përurua në nisje të fushatës në vitin 2009
14/12 19:43
Basha: Laçianët diskriminohen/ Kreu i PD takon banorët e dëmtuar në zonën e lacit
14/12 19:35
Lagje e re në Spitallë/ Rama shkon edhe në Laç dhe premton spitalin
14/12 19:10
Videomesazhi i Ramës kundër opozitës: Po fillon lufta e baltës
14/12 18:45
Dhunohet barbarisht arbitri në Peqin
14/12 17:05
Nis “Top Talent”, zbulohet emri i prezantueses e plot risi e surpriza
14/12 16:06
Me shqiptarët që nuk flasin shqip në Gjurmë Shqiptare/ Çfarë ka ndodhur me banorët e fshatit Besnik
14/12 16:02
Për festa në Korçë/ Rezervimet janë bërë që gjatë muajit nëntor
14/12 16:01
Do hiqet taksa për dhurimet/ Vetëm për familjarët e afërt dhe për banesat
14/12 15:59
Tërmeti, 9 arrestime në Durrës/ Prokuroria ka nxjerrë 19 urdhëra për ndërtues dhe zyrtarë
14/12 15:58
Konference donatorësh për Shqipërinë/ Do mbahet në janar të 2020 në Tiranë
14/12 15:55
Piktorët e peizazhit/ Për të katërtin vit bëhen bashkë në një ekspozitë
14/12 15:48
Konviktet u dëmtuan/ Te Mjekësia, studentët sistemohen në ambiente të tjera
14/12 15:34
Rama në Laç: Për një periudhë 6 mujore, spitali duhet të jetë gati
14/12 15:06
“Nuk mban premtimin”/ Banori rom i Laçit rrëzon propagandën e Edi Ramës me të pastrehët nga tërmeti
14/12 14:52
Në pritje të qeverisë së Kosovës/ LDK dhe VV mbledhin kryesitë
14/12 13:39
Nis sezoni i skive në Dardhë/ Dëbora shkon në 20 centimetra
14/12 13:32
Arrestime për tërmetin/ Policia po ekzekuton 17 urdhër arreste
14/12 13:16
Mikelanxheloja i Shkodrës/ Në studion e piktorit që u dekorua edhe nga Papa
14/12 13:10