Qemal Zylo: Pengu im në vitet e para të emigrimit është kur nuk arrita të vij kur humbi jetën nëna

Qemal Zylo, themelues i Alba Life, thotë se t’u mësosh të fëmijëve shqipen është një detyrë dhe një passion, si dhe përhapja e gjuhës dhe kulturës shqipe në diasporë nuk ndodh vetvetiu, por duhen nisma . Përpjekjet dhe sakrificat e tij në Amerikë kanë qenë të mëdha dhe nisën që prej vitit 1997, kur ai dhe bashkëshortja e tij Kozeta Zylo vendosën të emigronin. Shkak për emigrimin e tyre u bënë trazirat në vitit 1997 në Shqipëri. Qemal Zylo jeton në Staten Island, vend ku jeton një komunitet shqiptar me prejardhje nga krahina të ndryshme të Shqipërisë dhe Kosovës. Në episodin e rradhës “Diaspora” Qemal Zylo ka rrëfyer historinë e tij, si dhe sakrificën e madhe të tijën që e cilëson dhe si pengun e jetës që nuk arriti të kthehej në shqipëri kur mamaja e tij u nda nga jeta pak kohë pasi ishte i vendosur në Amerikë.