Lindje Perëndim/ Ofensiva turke në Siri: kronikë e një ngjarjeje të paralajmëruar!
20/10/2019 17:00

Shenjat ishin të gjitha aty. Rexhep Tajip Erdogani nuk e kishte fshehur asnjëherë qëllimin e tij. Presidenti turk priste vetëm një sinjal nga Shtetet e Bashkuara që të kalonte në veprim. Dhe ai erdhi kur shefi I Shtëpisë së Bardhë Donald Trump urdhëroi tërheqjen e forcave amerikane nga Veriu I Sirisë. Argumenti ishin vetëm dy rreshta të hedhura si nxitimthi në Twitter. Njoftimi erdhi kaq papritur sa zuri në befasi edhe politikanë mbështetës tradicionalë të Trumpit, si senatori Lindsay Graham, anëtar i Komisionit të Senatit për Marrëdhëniet me Jashtë. Për Graham, ky vendim ishte “një katastrofë që afron”, dhe një garanci për rishfaqjen e shtetit te mposhtur, por jo tërësisht të shkatërruar islamik.