Greqia bllokon “autobusët e vdekjes”
25/05/2012
Rreth 10 ditë para aksidentit tragjik të 21 majit në Himare, Ministria greke e Transportit u ka çuar një vendim qarqeve të Epirt të Veriut dhe atij të Maqedonisë Perëndimore, që të ndalojnë hyrjen e autobusëve të disa kompanive shqiptare nga Shqipëria drejt Greqisë.

Vendimi, që është publikuar në fillim të kësaj jave, u drejtohet autoriteteve të katër pikave doganore me Shqipërinë, të cilat urdhërohen të ndalojnë disa prej autobusëve të kompanive shqiptare të qarkullojnë në territorin grek, sepse, siç shpjegohet në vendim, nuk u përmbahen kushteve të sigurisë teknike të automjeteve, duke vënë në rrezik jetët e pasagjerëve.

Por, midis të tjerash, aty përmendet se kompanitë e transporteve të vendeve të treta jashtë BE-së, siç është edhe Shqipëria, duhet të plotësojnë një sërë kushtesh për të operuar edhe në Greqi, midis të tjerash ai i bashkëpunimit të tyre me një subjekt grek të transporteve.

Për këtë u ishte lënë edhe një afat deri në dhjetëditëshin e dytë të majit, në rast të kundërt u ndalohej hyrja dhe qarkullimi në territorin grek.

Të nesërmen e mbarimit të afatit, 18 kompani, emrat e të cilave ka në dispozicion Top Channel, janë ndaluar të përdorin autobusët e tyre drejt Greqisë, pasi nuk kanë plotësuar kërkesat e ministrisë greke.

Ndërkohë, ana tjetër e medaljes është se kompanitë greke të autobusëve kanë vite që luftojnë ato shqiptare, për arsye se u kanë marrë një pjesë të mirë të tregut, pasi kanë çmime më konkurruese.

Sipas gazetës së Janines “Proinos Logos”, përfaqësuesit e kompanive të transportit të udhëtarëve me qendër në këtë qytet, konsiderojnë autobusët shqiptarë si mjetet e vdekjes, ndërsa kërkojnë prej shtetit grek që t’u vendosen shoqërive shqiptare taksa më të larta në shitjen e biletave të tyre.

Aksidenti tragjik i Himarës, që bëri bujë të madhe edhe në mediat greke, nuk ka bërë gjë tjetër veçse ka shtuar këto zëra, të cilët kanë të drejtë përsa i përket masave të sigurisë, por nga ana tjetër janë edhe abuzuese sepse kërkojnë disa kushte që dëmtojnë kompanitë shqiptare në interes të atyre greke. / Top Channel
LAJME TE NGJASHME

comments powered by Disqus

VLERËSO KËTË LAJM

KRYESORET




SONDAZH

A e konsideroni vizitën e kryeministrit serb, Vuçiç, dhe të disa kryeministrave të tjerë të rajonit në Tiranë, si shenjë të mirë për paqen dhe zhvillimin në Ballkan?


Duke llogaritur rezultatet. Ju lutem prisni...
në top channel »
MË TË LEXUARAT
KËMBIMI VALUTOR
  Blihet Shitet
EUR 140.6 141.1
USD 128.8 129.5
GBP 198.5 199
CHF 135.5 136
TREGJE DHE BURSA
N/A N/A
N/A
N/A
S&P 500 2120.79
-2.69
-0.13%
FTSE 100 7030.23
-10.69
-0.15%
NASDAQ 5097.98
-8.62
-0.17%
FTSE MIB 23669.56
-74.57
-0.31%
CAC 40 5113.24
-24.59
-0.48%
DAX 11585.17
-92.40
-0.79%
HANG SENG 27481.82
+27.51
+0.10%
Nikkei 225 20563.15
+11.69
+0.06%
S&P/ASX 100 4809.20
+55.10
+1.16%




Top Channel 2001-2015
Ndalohet riprodhimi i paautorizuar i permbajtjes se kesaj faqeje.