Lajmin se SPAK kishte kërkuar arrestimin e tij, Sali Berisha e mësoi në zyrën e tij pak përpara se të dilte në konferencën e përjavshme me gazetarët. Kërkesën për ndjekjen e rrugëve ligjore, përballë imunitetit të tij politik, kreu i SPAK, Altin Dumani ia kishte plotësuar në kërkesën që i drejtoi Kuvendit për zhveshjen nga mandati për ish-kryeministrin në mënyrë që ndaj tij të merret masa e arrestit. Dhe këtë here Berisha e ka një përgjigje. Në shkresën dërguar parlamentit, drejtuesi i Prokurorisë së posaçme Altin Dumani, nuk e ka përcaktuar masën e kërkuar, duke four për zëvendësimin e masës së mëparshme me “arrest me burg/arrest shtëpie”. Me rezerva të forta për drejësinë, Berisha i kujtoi Parlamentit të mos shkelmojë një të drejtë të tijën kushtetuese. Kuvendi caktoi që e hëna e 18 dhjetorit të jetë dita ku të vendoset për imunitetin e Berishës. Cila do të jetë strategjia që socialistët do të ndjekin me rastin "Berisha" në Komisionin e mandateve? A rrezikon vërtetë Berisha një masë arresti me burg? Çfarë do të ndodh me aksionin e demokratëve dhe si do ta drejtojë kreu i demokratëve partinë nga izolimi?