Top Channel me vizionin për të qenë televizioni i të gjithë shqiptarëve duke trokitur në çdo shtëpi ka ndërmarrë një fushatë për të mos pasur asnjë kufizim gjeografik, përsa i përket informimit të qytetarëve duke e shtrirë informacionin në të gjithë territorin e Shqipërisë. Si televizioni kryesor në Shqipëri për saktësinë e lajmeve të orës së fundit dhe lidhjeve të drejtpërdrejta të ngjarjeve më të rëndësishme të vendit, me edicione speciale për mbulimin, pasqyrimin dhe analizimin e çdo ngjarjeje apo evenimenti të rëndësishëm në të gjithë territorin e Shqipërisë dhe në trevat shqiptare, Kosovë e Maqedoni dhe kudo ku shqiptaret jetojnë ne botë, ka ndërmarrë së fundmi një fushatë për të rekrutuar gazetarë në çdo cep të vendit. Për të mësuar më shumë rreth kësaj por dhe për t'ju ardhur në ndihmë të rinjve dhe jo vetëm që e duan gazetarinë dhe informacionin për t'u bërë pjesë e familjes së madhe Top Channel kishim sot kryeredaktorin e edicionit informativ në Top Channel, Altin Kreka.