Superliga dhe futbolli shqiptar me 10 javët e mbetura te kampionatit dhe 5 javët e Kupës së Shqipërisë, rikthehet sot pas gati 3 muajsh pushim të detyruar nga pandemia. Gjithcka do të zhvillohet nën regjimin e një protokolli shëndetësor shumë strikt, një protokoll i cili u është shpërndarë të gjitha skuadrave, të cilat kanë një stadium të tyre dhe që do të organizojnë ndeshjet, duke filluar nga stadiumi “Selman Stërmasi” ku do të luhet edhe një nga ndeshjet kryesore Partizani-Skënderbeu. Përsa i përket kalendarit do të luhet thuajse çdo tre ditë, pasi në program është edhe Kupa. Superliga që ka edhe 10 javë për të zhvilluar do ta ulë siparin me 29 korrik, ndërsa finalja e Kupës me 2 gusht.