Wake Up/ Peticion për votën e diasporës. Emigrantët kërkojnë sistem proporcional me lista të hapura

Diaspora Shqiptare thotë se është duke ndjekur me vëmendje zhvillimet e fundit në Shqipëri mbi Reformën Zgjedhore të cilat lidhen edhe me të drejtën e votës për shtetasit shqiptarë jashtë territorit të Republikës së Shqipërisë. Këshilli Koordinues i Diasporës ka nisur prej dy ditësh nënshkrimin e një peticioni që kërkon garantimin e votës së shqiptarëve që jetojnë jashtë Shqipërisë. Peticioni u drejtohet krerëve më të lartë të institucioneve shqiptare, Këshillit Politik për Reformën Zgjedhore, Komisionit Parlamentar për Reformën Zgjedhore dhe krerëve të partive kryesore politike. Gjithashtu në peticion kërkohet edhe që “t'i mundësohet popullit shqiptar e drejta të zgjedhë përfaqësuesit e tij përmes sistemit zgjedhor proporcional me lista të hapura”.